Bakı.Trend:

Əfqanıstan sanksiyaların ləğvi və aktivlərin dondurulmuş vəziyyətdən çıxarılması müqabilində ABŞ-yə mineral ehtiyatlarına çıxış təklif edib.

“Financial Times” (FT) məlumatına görə, bu barədə Əfqanıstanın xarici işlər naziri Əmir Xan Müttəqi bildirib.

Onun sözlərinə görə, Kabil faydalı qazıntıların hasilatı, infrastruktur, kənd təsərrüfatı və ticarət sahələrinə ABŞ investisiyasının cəlb olunmasında maraqlıdır. Əfqanıstanın mis, dəmir, litium, qızıl və digər resurs yataqlarının ümumi dəyərinin ən azı 1 trilyon dollar olduğu bildirilir.

Bununla belə, uzun illər davam edən münaqişə səbəbindən ehtiyatların böyük hissəsi praktiki olaraq işlənilməyib.