Almaniya hakimiyyəti çeçen səhra komandiri Zelimxan Xanqoşvilinin ailəsini onu qətlə yetirdiyinə görə ömürlük həbs cəzasına məhkum edilmiş Vadim Krasikovun dəyişdirilməsi ilə bağlı xəbərdar etməyib.
Modern.az xəbər verir ki, bu barədə "Kavkaz.Realii"yə Xanqoşvilinin xanımı Manana (Raisa) Tsiatiyeva məlumat verib.
Almaniya kansleri Olaf Şolts deyib ki, Krasikovun ekstradisiyası asan qərar deyil. Almaniya hökuməti vurğulayıb ki, sövdələşməni rəsmiləşdirən zaman bir tərəfdən dövlətin hökmün icrasında maraqlı olması, digər tərəfdən isə Rusiya həbsxanalarında siyasi məhbus olan günahsız insanların fiziki rifahı və həyatı dayanıb.
Məlum olub ki, Vladimir Putin qatil Vadim Krasikovu və Moskvanın Qərb ölkələri ilə genişmiqyaslı məhbus mübadiləsi çərçivəsində azad edə bildiyi Rusiya xüsusi xidmət orqanları ilə əlaqəli digər vətəndaşları dövlət mükafatlarına təqdim edəcək.
Moskvanın Vnukovo hava limanında onları fəxri qarovul dəstəsi ilə Putin şəxsən qarşılayıb. Mübadilə avqustun 1-də Ankarada baş tutub. 26 nəfər iştirak edib. 10 nəfər Rusiyaya, 12 nəfər Almaniyaya, 4 nəfər isə ABŞ-a göndərilib.