Hindistanın cənubundakı Kerala ştatında torpaq sürüşməsi nəticəsində ölənlərin sayı 277 nəfərə çatıb. Modern.az xarici KİV-ə istinadən xəbər verir ki, hadisə nəticəsində 200-dən çox insanın yaralandığı bildirilir. Kerala ştatının rəhbərliyi 227 nəfərin hələ də itkin düşdüyünü təsdiqləyib.
Hindistanın cənubundakı Kerala ştatının Vayanad rayonunda iki gün davam edən güclü yağışlardan sonra dörd saat ərzində üç torpaq sürüşməsi baş verib. Hadisə yerində hərbçilər, Hərbi Hava Qüvvələrinin texnikası və axtarış itlərinin cəlb olunduğu axtarış-xilasetmə əməliyyatı davam edir. Sürüşmələr çoxlu evləri uçurub, yolları və körpünü dağıdıb.