İlk dəfə 1973-cü ilin avqustunda Forbes və 1977-ci ilin sentyabrında “Business Week” jurnallarında istifadə edilən startap terminin konsepsiyası 90-cı illərdə daha da möhkəmləndi.

Azərbaycanda startap yaratmağın çətinlikləri, bu sahədə dəstək və inkişaf barədə Metbuat.az ”Deirvlon Technologies” şirkətinin qurusu Kamran Qasımov ilə müsahibə aparıb.

“Bizim ölkədə hələ də startaplara investisya mədəniyyəti tam formalaşmayıb. Buna baxmayaraq son illərdə bu tendensiya dəyişməkdədir. Bunun əsas səbəblərindən biri də hər hansı rol modelin olmamasıdır. İnvestorlar daha çox risksiz gördükləri ənənəvi biznes modellərinə investisya edir. Düşünürəm ki, əgər Azərbaycandan ən azı bir “unicorn” çıxsa, startaplara olan baxış investorlar tərəfindən tamamilə dəyişəcək”.

Əlbəttə, Azərbaycandakı startap mədəniyyətinin inkişaf etməsinə kömək edəcək daha çox rol model və mentorların olması arzuolunandır. Hər bir çətinlik bir imkan kimi də qiymətləndirilə bilər. Ölkədəki startap ekosistemi inkişaf etdikcə, bu məsələlər də həll olunacaq. Uğurlu olmuş startaplardan öyrənərək və öz təcrübələrimizi başqaları ilə paylaşaraq Azərbaycanı startap sahəsində daha da irəliyə apara bilərik”.