BMT-nin İnsan Haqları Ali Komissarlığı bildirir ki, Ukraynada müharibə başlayandan bəri azı 53 min mülki şəxs zərər çəkib.

Metbuat.az xəbər verir ki, onlardan 14 534 nəfəri həlak olub, 38 472 nəfər yaralanıb.

Ukrayna Ombudsmanı Rusiyada 16 minə yaxın ukraynalı mülkinin qanunsuz saxlanıldığını, itkin düşənlərin sayının isə on minlərlə olduğunu bildirir, bəzi xarici QHT-lər bu rəqəmi 70 minə qədər qiymətləndirir.

Müharibənin əvvəlindən bu yana 60–100 min ukraynalı hərbçi həlak olub, 300–350 min arası əsgər yaralanıb. Müstəqil “UALosses” layihəsi adla təsdiqlənmiş 79 mindən çox ukraynalı hərbçinin öldüyünü bildirir.

ABŞ və Britaniya kəşfiyyatının qiymətləndirmələri Rusiyanın insan itkilərinin müharibə boyunca 1 milyon nəfərə yaxınlaşdığını göstərir. Hesabatlara görə, azı 220–280 min rus hərbçisi öldürülüb, 800 mindən çoxu yaralanıb. Beləliklə, Rusiyanın ümumi hərbi itkiləri 1–1,1 milyon nəfər arasında qiymətləndirilir.