Hindistanın baş naziri Narendra Modi və Rusiya prezidenti Vladimir Putin arasında telefon danışığı olubş
Modern.az Rusiya mətbuatına istinadən xəbər verir ki, söhbət zamanı Modi Putini Kiyevə səfəri barədə məlumatlandırıb.
Modi Ukrayna ətrafında vəziyyətin mümkün həllinə töhfə verməkdə maraqlı olduğunu vurğulayıb. Tərəflər Hindistanın baş nazirinin Rusiya Federasiyasına səfəri nəticəsində əldə olunmuş ticarət-iqtisadi sahədə razılaşmaların həyata keçirilməsini müzakirə ediblər.
Putin və Modi BRICS çərçivəsində Rusiya Federasiyası ilə Hindistan arasında qarşılıqlı fəaliyyət səviyyəsindən məmnunluq ifadə ediblər. Modi Putinlə söhbətində Kazanda keçiriləcək BRICS sammitində iştirak etməyə hazır olduğunu təsdiqləyib.
Liderlər müxtəlif səviyyələrdə ikitərəfli əlaqələri davam etdirmək barədə razılığa gəliblər.