Rusiyanın energetika nazirinin keçmiş müavini Pyotr Bobilev Moskvada saxlanılıb.
Modern.az "Meduza"ya istinadən xəbər verir ki, o, kuryerə şampan şüşəsi atıb və onu yaralayıb.
Bobilev Frunzenskaya sahilindəki evlərin birinin həyətində "Lamoda" onlayn mağazasının kuryerinə hücum edib. Sabiq nazir müavinin kuryerin maşındakı faraları yandırmaması xoşuna gəlməyib, bundan sonra ona tüpürməyə başlayıb və maşının ön şüşəsinə şampan şüşəsi atıb.
Bu, qurbanın qulağına dəyib. Kuryer iddia edir ki, məmur sərxoş olub.
2021-ci ildə Bobilev energetika nazirinin müavini vəzifəsində çalışsa da, bir ildən sonra öz istəyi ilə bu vəzifəni tərk edib.