Gürcüstanda hakim “Gürcü Arzusu” partiyasının təsisçisi və fəxri sədri Bidzina İvanişvili avqustun 25-də dağlıq Raça bölgəsində seçicilərlə regional görüşdə bildirib ki, hakim partiya “ölkə və inanc üçün ekzistensial əhəmiyyət kəsb edən bir məsələ üzərində işləyir”.
Modern.az xəbər verir ki, bu barədə "Exo Kavkaza" məlumat yayıb.
“Yaxın vaxtlarda bu mühüm qərarla bağlı ictimaiyyətə məlumat verəcəyik”, - o qeyd edib.
Yada salaq ki, bir müddət əvvəl “Gürcü arzusu” və milyarder İvanişvili bunun ölkə üçün vacib olmasının səbəblərini əsas gətirərək növbəti çağırış parlamentdə konstitusiya çoxluğunu əldə etməli olduqlarını bəyan etmişdi.
Söhbət Mixail Saakaşvilinin partiyası olan Vahid Milli Hərəkat partiyasının ləğvi və qadağası və LGBT-nin yasaqlanması ilə yanaşı, ərazi bütövlüyünün bərpası ilə bağlı mümkün konstitusiya dəyişikliklərindən də gedir.
İndi məlum olub ki, mövzu həm də dinlə bağlıdır.