"Reuters" agentliyinin təhlükəsizlik üzrə məsləhətçisi Rayan Evans Kramatorska zərbə endirilməsi nəticəsində həyatını itirib.
Modern.az xəbər verir ki, məlumatı "Reuters"in özü yayıb.
Agentlik yazır ki, “Reuters”in təhlükəsizlik üzrə müşaviri Rayan Evans Kramatorskdakı “Sapphire” otelinə raket hücumu nəticəsində həlak olub.
"İki jurnalistimiz xəstəxanadadır, onlardan biri ağır yaralanıb. Daha 3 həmkarımız tapılıb və sağ-salamatdır", - "Reuters" yazıb.
Bundan əvvəl Donetsk vilayət hərbi administrasiyasının rəhbəri Vadim Filaşkin Britaniya vətəndaşının öldüyünü açıqlamışdı. O, jurnalistin adını çəkməsə də, 1984-cü il təvəllüdlü olduğunu göstərmişdi.