Ukraynanın Azov alayının hərbçisi Aleksandr İşçenko Rusiyanın Rostov vilayətindəki istintaq təcridxanasında həyatını itirib.
Modern.az "Mediazona"ya istinadən xəbər verir ki, Azov alayında sürücü kimi xidmət edən ukraynalı hərbi əsir təcridxanda ölüb.
55 yaşlı Aleksandr İşçenko Rusiya tərəfindən "terror təşkilatının fəaliyyətində iştirak"da və "hakimiyyəti zorakılıqla ələ keçirməyə cəhd"də iki maddə üzrə ittiham olunub. 2022-ci ilin fevral ayında könüllü olaraq Azov alayının müdafiə qüvvələrinə hərbi sürücü kimi daxil olub. Həmin ilin yazında Mariupolda o, Rusiya tərəfindən əsir götürülüb, sonra isə digər 23 ukraynalı ilə birlikdə cinayət işinə müttəhim qismində cəlb olunub.
Onların hamısı müxtəlif vaxtlarda Azovda müqavilə əsasında xidmət edib və ya mülki işçi olublar. Bəziləri Mariupol və Azovstalın müdafiəsində iştirak edib, digərləri Rusiya işğalı zamanı artıq xidməti tərk etdikdən sonra saxlanılıblar.
İki nəfər - David Kasatkin və Dmitri Labinski artıq rus hərbi əsirləri ilə dəyişdirilib və onlar Rusiya tərəfindən qiyabi mühakimə olunurlar. Bu işdə 9 qadın iştirak edir, onların əksəriyyəti Azov hərbçiləri üçün yemək hazırlayan aşpazlardır. "Memorial" təşkilatı bu iş üzrə müttəhimləri siyasi məhbus kimi tanıyıb.