"Biz HƏMAS-ın Siyasi Bürosunun rəhbəri İsmayıl Haniyənin Tehranda iyrənc sui-qəsd nəticəsində öldürülməsini pisləyirik".
Modern.az xəbər verir ki, bu barədə Türkiyə XİN bəyanat yayıb.
Qeyd olunub ki, "bu hücum həm də Qəzzadakı müharibəni regional ölçüyə yaymaq məqsədi daşıyır".
"Əgər beynəlxalq ictimaiyyət İsraili dayandırmaq üçün addım atmasa, regionumuz daha böyük münaqişələrlə üzləşəcək. Türkiyə Fələstin xalqının haqq işini dəstəkləməyə davam edəcək", - Türkiyə XİN-in bəyanatında deyilir.