Rusiya Xarici İşlər Nazirliyi HƏMAS Siyasi Bürosunun rəhbəri İsmayıl Haniyənin öldürülməsinə münasibət bildirib.
Modern.az RİA-ya istinadən xəbər verir ki, Rusiya xarici işlər nazirinin müavini Mixail Boqdanov Haniyənin öldürülməsini qəbuledilməz adlandırıb.
O qeyd edib ki, baş verənlər Qəzza zolağında hərbi əməliyyatların dayandırılması üzrə danışıqlara mənfi təsir göstərəcək.
“Bütün bunlar çox pisdir. Bu, tamamilə qəbuledilməz siyasi qətldir və bu, gərginliyin daha da artmasına gətirib çıxaracaq”, - Mixail Boqdanov deyib.
Qeyd edək ki, HƏMAS siyasi bürosunun rəhbəri iyulun 31-nə keçən gecə Tehrandakı iqamətgahına hücum zamanı öldürülüb. İsmayıl Haniyə İranın yeni prezidenti Məsud Pezeşkiyanın andiçmə mərasimində iştirak etmək üçün Tehrana gəlib. HƏMAS hadisəyə görə İsraili günahlandırıb.