Gürcüstanın işğal olunmuş Abxaziya ərazisində Rusiya hərbi-dəniz bazasının tikintisi sürətlənir.
Modern.az xəbər verir ki, məlumatı "Bellingcat" yayıb.
2023-cü ilin oktyabrında Rusiyanın dəstəklədiyi Gürcüstanın separatçı regionu olan Abxaziyanın prezidenti Oçamçirada kömür terminalına xidmət edən kiçik liman və Federal Təhlükəsizlik Xidmətinin (FTX) sahil mühafizə bölməsinə xidmət edən yeni Rusiya hərbi dəniz bazasının tikiləcəyini elan etdmuşdi. Bu, Rusiya Qara Dəniz Donanmasının hissələrinin "daimi yerləşdirmə yeri" olacaq.
Bu planlar Rusiya tərəfindən təsdiqlənməsə də və elandan sonrakı aylarda çox az aktivlik müşahidə edilsə də, "Bellingcat" tərəfindən təhlil edilən peyk görüntüləri tikinti fəaliyyətinin 2024-cü ilin əvvəlindən sürətləndiyini, hazırda perimetr ətrafında çoxlu bina və obyektlərin tikildiyini göstərir.
Ekspertlərin fikrincə, bu baza Rusiya Federasiyası üçün strateji əhəmiyyət kəsb edəcək, çünki o, Ukrayna pilotsuz təyyarələrinin hücumlarına məruz qalan Qara dəniz donanması üçün təhlükəsiz sığınacaq təmin edə bilər.