Almaniya öz vətəndaşlarını təcili olaraq Livanı tərk etməyə çağırıb.
Modern.az "Bild"ə istinadən xəbər verir ki, bunu Almaniya Xarici İşlər Nazirliyinin sözçüsü bildirib.
Qeyd olunub ki, hökumət bir daha Livandakı bütün Almaniya vətəndaşlarını Yaxın Şərqdə vəziyyətin gərginləşməsi təhlükəsi səbəbindən ölkəni tərk etməyə çağırıb.
Sözçü vurğulayıb ki, Almaniya vətəndaşlığı olan təxminən 1300 nəfər Livanda qalıb.
"Bizim səyahət və Livanı tərk etmək xəbərdarlığımız 2023-cü ilin oktyabrından qüvvədədir", - rəsmi deyib.
O, bütün almaniyalıları Livanı tərk etmək üçün mövcud imkanlardan istifadə etməyə və “təcili olaraq bunu etməyə” çağırıb.