Son həftələr Kiyevdə COVID-19-a yoluxma hallarının sayı əhəmiyyətli dərəcədə artıb. Xüsusilə, iyul ayının əvvəli ilə müqayisədə koronavirus səbəbindən xəstəxanalara yerləşdirmə hallarının sayı artıb.
Modern.az Ukrayna mətbuatına istinadən xəbər verir ki, bu barədə Kiyev Şəhər Hərbi Administrasiyasının Səhiyyə Departamenti məlumat yayıb.
Kiyev Şəhər Xəstəliklərə Nəzarət və Profilaktika Mərkəzinin məlumatına görə, iyul ayında COVID-19-a cəmi 900 yoluxma halı qeydə alınıb, iyun ayında isə bu rəqəm 200-dən az idi. İlin əvvəlindən paytaxtda bu xəstəlik səbəbi ilə 52 nəfər vəfat edib.