Qırğızıstan-Özbəkistan dövlət sərhədinin demarkasiyası ilə bağlı növbəti görüş keçirilib.
Modern.az xəbər verir ki, bununla bağlı Qırğızıstan Nazirlər Kabinetinin mətbuat xidmətinin məlumatında deyilir.
Məlumata görə, danışıqlar zamanı iki ölkənin hökumət nümayəndə heyətlərinin işçi qrupları Qırğızıstan-Özbəkistan dövlət sərhədinin demarkasiyası məsələlərinə baxıblar.
İclas çərçivəsində Qırğızıstan Respublikasının Cəlal-Abad və Batken vilayətləri daxilində birgə dövlət sərhədinin ayrı-ayrı hissələrində, həmçinin Özbəkistan Respublikasının Namanqan və Fərqanə rayonlarının ona bitişik hissələrində çöl baxışları aparılıb.
Tədbirlərin yekunlarına əsasən müvafiq protokol imzalanıb. İşçi qrupların növbəti iclasının Qırğızıstanda keçirilməsi planlaşdırılır.