Argentina, Peru və Çili Venesuelada keçirilən prezident seçkilərində Nikolas Maduronun elan edilmiş qələbəsini tanımayıb.
Modern.az "Kommersant"a istinadən xəbər verir ki, Argentina prezidenti Xavyer Miley venesuelalı müxalifətçi Edmundo Qonzalesi qalib kimi tanıyıb.
Perunun xarici işlər naziri Xavyer Qonzales-Olaeçea Venesuelada keçirilən səsverməni xalqın iradəsinə hücum adlandırıb.
Çili xarici işlər naziri Alberto van Klaveren isə bildirib ki, beynəlxalq müşahidəçilər öz nəticələrini səsləndirməyənə qədər Çili hökuməti Nikolas Maduronun qələbəsini tanımayacaq. Çili prezidenti Qabriel Boric də protokolların yoxlanılmasında tam şəffaflığa çağırıb.