İranın yeni prezidenti Məsud Pezeşkian bu ilin oktyanrında rusiyalı həmkarı Vladimir Putinlə görüş keçirməyə hazırlaşır.
Modern.az xəbər verir ki, Kremlin mətbuat katibi Dmitri Peskov “İzvestiya”ya bildirib ki, Rusiya prezidenti Vladimir Putin oktyabrda Kazanda keçiriləcək BRİKS sammitində iranlı həmkarı Məsud Pezeşkianla görüşməyə hazırlaşır.
"İran tərəfinin dəvəti var və ümid edirik ki, yeni prezident sammitə gələcək. Biz onu görməyə şad olarıq və prezident Putin qarşıdakı görüşə hazırlaşır", - Kreml rəsmisi bildirib.
İranın ali rəhbəri Ayətullah Seyid Əli Xamenei bazar günü keçirilən mərasimdə İranın yeni seçilmiş prezidenti Məsud Pezeşkianın prezident fərmanını təsdiqləyib.
Bazar günü səhər Xamenei və digər İran rəsmilərin iştirakı ilə Pezeşkiyanın səlahiyətlərinin icrasına başlama mərasimi keçirilib.
Pezeşkiyanın andiçmə mərasimi iyulun 30-da parlamentdə keçiriləcək.