Çexiya prezidenti Petr Pavel Rusiya Federasiyası və Çini Ukrayna üzrə sülh danışıqlarına cəlb etməyə çağırıb.
Modern.az xəbər verir ki, Pavel CTK-ya müsahibəsində bunu bildirib.
O deyib ki, Moskvaya təsir edə biləcək “əsas qlobal oyunçu” kimi Çinin iştirakı xüsusilə vacibdir.
"Əgər Çin danışıqlardan imtina edərsə, o zaman Rusiya hərəkət etmək üçün daxili ehtiyac hiss etməyəcək və özü üçün üstünlüklər əldə etməyə çalışacaq", - o qeyd edib.
Pavel həmçinin 2024-cü ilin sonu və ya 2025-ci ilin əvvəllərində ABŞ da daxil olmaqla dünyada seçkilər və “hər iki müharibə edən tərəfə təsir edən müharibə yorğunluğu” səbəbindən Ukraynadakı müharibədə “müəyyən bir dəyişiklik” gözləyir.