Bərdə. Trend:

Birinci Qarabağ müharibəsində itkin düşən şəhid hərbçi Piriyev Rəşadət Əli oğlunun qalıqları mayın 22-də ailəsinə təhvil verilib.

Trend-in Qarabağ bürosunun məlumatına görə, şəhidlə Bərdə rayonunun Yeni Daşkənd kəndində vida mərasimi keçirilib.

Şəhidin nəşi kənd qəbiristanlığında torpağa tapşırılıb.

Qeyd edək ki, Piriyev Rəşadət Əli oğlu 1973-cü ildə Bərdə rayonunun Yeni Daşkənd kəndində anadan olub. O, Birinci Qarabağ müharibəsi zamanı Kəlbəcər istiqamətində gedən döyüşlərdə itkin düşmüşdü.