“Mançester Yunayted", "Çelsi" və "Tottenhem" klubları "Yuventus"un futbolçusu Kenan Yıldızın xidmətində maraqlıdır.

Metbuat.az xəbər verir ki, İngiltərə nəhəngləri futbolçunu transfer etmək üçün ciddi səylər göstərir. Bildirilir ki, futbolçu yüksək məvacib tələb etdiyinə görə, “Yuventus”la müqavilə danışıqlarında razılıq əldə edilməyib. Kenan Yıldızın transfer olacağı təqdirdə bunun 90-100 milyon avroya reallaşacağı iddia edilir.

Qeyd edək ki, Kenan Yıldızın "Yuventus"la müqaviləsi 2028-ci ildə yekunlaşır.