Sinqapur saqqızla bağlı dünyada ən sərt qaydaları tətbiq edən yeganə ölkələrdən biridir.

Metbuat.az bildirir ki, ölkədə saqqızın alış-satışı və ölkəyə gətirilməsi 1992-ci ildən qadağandır.

Qadağanın tətbiqinin əsas səbəbi həmin dövrdə sakinlərin saqqızı metro qapılarına, lift düymələrinə və ictimai yerlərə yapışdırmasının qarşısını almaq idi.

Bu qayda nəyi əhatə edir?

– Mağazalarda saqqız satmaq qadağandır.

– Ölkəyə saqqız gətirmək cərimə ilə nəticələnir.

– Tibbi məqsədli saqqız yalnız həkim resepti ilə icazəlidir.

2004-cü ildən etibarən terapevtik, diş müalicəsi üçün və nikotin tərkibli saqqızlara istisna tətbiq edilir. Bu növ saqqızları həkimdən və ya qeydiyyatdan keçmiş əczaçıdan almaq mümkündür.

Sinqapurda saqqız çeynəmək qadağan deyil, lakin qeyd olunan istisnalar xaric, saqqızı ölkəyə gətirmək və satmaq qanuna ziddir.