Ukrayna hökuməti ilə müqavilələr imzalamağın mənası yoxdur.

Metbuat.az xəbər verir ki, Rusiya Prezidenti Vladimir Putin Kollektiv Təhlükəsizlik Müqaviləsi Təşkilatının Zirvə Toplantısının yekunlarına dair keçirilən mətbuat konfransında belə deyib. O bildirib ki, Ukrayna hökuməti prezident seçkilərini keçirmədiyi üçün legitimliyini itirib. Putin ABŞ administrasiyası tərəfindən Ukrayna böhranının həlli üçün hazırlanmış sülh planına toxunub.

O, “Heç planı yox idi. Məsləhətləşmə və formalaşdırma üçün təklif olunan yalnız bir sıra suallar var idi. Alyaska sammitindən əvvəl bu məsələlərlə bağlı ABŞ tərəfi ilə məsləhətləşdik. Bundan sonra 28 mümkün razılaşmanın siyahısı yaradıldı. Bu, bizə müəyyən kanallar vasitəsilə çatdırıldı. Biz onu nəzərdən keçirdik. Bunun ardınca ABŞ və Ukrayna arasında İsveçrənin Cenevrə şəhərində planla bağlı danışıqlar aparılıb. Bu danışıqlar zamanı nümayəndələr öz aralarında qərara gəliblər ki, 28 maddə dörd komponentə bölünməlidir. Bütün bunlar bizə çatdırılıb. Ümumiyyətlə, biz inanırıq ki, bu, potensial razılaşmalar üçün əsas ola bilər. Görürük ki, Amerika tərəfi Ankoric sammitindən əvvəl və sonra mövqeyimizin bəzi aspektlərini nəzərə alır”, - deyə bildirib.