"Azərbaycan Dəmir Yolları" QSC (ADY) Abşeron dairəvi dəmir yolu üzrə tarifləri artırır.
Modern.az xəbər verir ki, bu barədə ADY-nın Sərnişin Daşıma departamentinin rəhbəri Azər Fərəcov media nümayəndələri üçün təşkil olunan brifinq zamanı bildirib.
"Sentyabrın 25-dən Abşeron dairəvi marşrutu üzrə sərnişindaşımada yeni qiymət siyasəti tətbiq ediləcək. Sərnişinlər minimum 40 qəpik ödəməklə mənzilbaşına çatacaq ki, bu da ölkədə ictimai nəqliyyat növləri arasında ən aşağı tarifdir. Ümumilikdə Abşeron dairəvi marşrutu üzrə gediş haqları məsafədən asılı olaraq 10-20 qəpik artırılacaq", - deyə o qeyd edib.