VII Çağırış Milli Məclisin ilk iclasında parlamentin komitə sədrləri seçilir.
Modern.az-ın məlumatına görə, Azər Əmiraslanov İqtisadi siyasət, sənaye və sahibkarlıq komitəsinin, Anar İskəndərov isə Elm və təhsil komitəsinin sədri seçilib.
Siyavuş Novruzov isə yenidən Regional məsələlər komitəsinin sədri olub.
Arzu Nağıyev Müdafiə, təhlükəsizlik və korrupsiya ilə mübarizə komitəsinin, Zahid Oruc İnsan hüquqları komitəsinin, Sadiq Qurbanov Təbii ehtiyatlar, energetika və ekologiya komitəsinin, Tahir Rzayev Aqrar siyasət komitəsinin, Musa Quliyev Əmək və sosial siyasət komitəsinin, Polad Bülbüloğlu Mədəniyyət komitəsinin, Səməd Seyidov Beynəlxalq münasibətlər və parlamentlərarası əlaqələr komitəsinin, Əhliman Əmiraslanov Səhiyyə komitəsinin, Hicran Hüseynova Ailə, qadın və uşaq məsələləri komitəsinin, Şahin İsmayılov Gənclər və idman komitəsinin, Fazil Mustafa İctimai birliklər və dini qurumlar komitəsinin sədrləri təsdiq ediliblər.
Sonra komitə sədrlərinin müavinləri də təsdiqlənib.
Bununla da yeddinci çağırış Milli Məclisin birinci iclası başa çatıb.
***
12:54
Yeddinci çağırış Milli Məclisin ilk plenar iclasında komitələrin sədrləri müəyyənləşib.
Modern.az xəbər verir ki, ilk olaraq Hüquq siyasəti və dövlət quruculuğu komitəsinin sədri seçilib.
Belə ki, hakim Yeni Azərbaycan Partiyasını (YAP) Milli Məclisdə təmsil edən deputat Əli Hüseynli yenidən Hüquq siyasəti və dövlət quruculuğu komitəsinin sədri vəzifəsinə təsdiqlənib.
O, VI çağırış Milli Məclisdə spikerin müavini və sözügedən komitənin sədri olub.