VI çağırş Milli Məclisin deputatı Etibar Əliyev "Bu şəhərdə" komandasının aktyorları Rəfael İskəndərovla Coşqun Rəhimovu tənqid edib.
Modern.az-ın məlukatına görə, sabiq deputat aktyorların çıxışını biabırçılıq adlandırıb, onları adət-ənənələri aşağılamaqda, küçə söhbətlərini səhnəyə gətirməkdə ittiham edib.
"Teatrın tərbiyəvi rolu danılmazdır. Teatrdan zövq almalısan, ürəkdən gülməlisən. Hətta, məşhur yumoristlərdən biri "ekoloji təmiz yumor" anlayışını işlətmişdi. Təsadüfən "Bu şəhərdə -2050" 81-ci bölümə baxdım. "Toy" adlandırdıqları tamaşada səhnəyə inkasator rolunda daxil olan Coşquna içki təklif olunur. Nimçədə gətirilmiş şərti arağı "sağlıq"lar deməklə içirlər. Rafael deyir, bu, sənin ananın sağlığına, içirlər. Sonra ata sağlığına içirlər. Sonra Rafael Coşquna deyir: "Mənim anamın sağlığına, mənim anam anaş toyuq-zaddır? Səninkinin sağlığına içirik mənimkinin yox"?
Baxırsan ki, tamaşaya xeyli gənc gəlib. Bu gənclər "Anaş toyuğun" nə olduğunu bilirlərmi? Yaxud sual versələr bunu onlara necə izah edə bilərik?
"Qadının ərəblə tanışıq" səhnəsi lap biabırçlıqdır. Şit hərəkətlər, adət- ənənələrimizi aşağılamaq, küçə söhbətlərini səhnəyə gətirmək teatrın süqutudur.
Teatrda parodiya sınanmış metoddur. Ancaq bunlar kimləri parodiya edirlər? Bayram Nurlunu, Xoşqədəmi, Hacı Nuranı, Elza Seyidcahanı? Parodiya janrını da gözdən salıblar", - o qeyd edib.
Modern.az məsələ ilə əlaqədar aktyor Rəfael İskəlndərovla əlaqə saxlayıb.
Əməkdar artist Rəfael İskəndərov cavabında sabiq deputatın fikirlərini şərh etmək istəmədiyini bildirib.
Xatırladaq ki, Etibar Əliyev iki il öncə "Komedixana"nın aktyorlarını tənqid edərək, onları təlxək adlandırmışdı.