Sentyabrın 5-də hökumət Ermənistan və Azərbaycan arasında sərhədin delimitasiyası üzrə komissiyaların birgə fəaliyyətinin reqlamentini təsdiq edəcək, bundan sonra sənəd Konstitusiya Məhkəməsinə göndəriləcək. Modern.az xəbər verir ki, bunu Ermənistanın ədliyyə naziri Qriqor Minasyan jurnalistlərə bildirib.
“Azərbaycan qətnamənin təsdiqi prosesinə başlayıbmı və bu məsələ ilə bağlı hansı məlumatlara malikdir” sualına Minasyan belə cavab verib: “Bu məsələ ilə bağlı əlimizdə olan açıqlamalarla kifayətlənmək düzgün olardı. Belə bir qərar var ki, cümə axşamı hökumət tərəfindən beynəlxalq müqavilə layihəsi kimi təsdiqlənəcək və Konstitusiya Məhkəməsinə göndəriləcək. Hesab edirəm ki, bu, konsensus və ATƏT-in göstərişlərinə uyğun yüksək keyfiyyətli sənəddir”.
Xatırladaq ki, sentyabrın 2-də Ermənistan hökuməti Ermənistan və Azərbaycan arasında sərhədin delimitasiyası üzrə komissiyaların birgə fəaliyyəti ilə bağlı əsasnaməni dərc edib. Bu barədə Ermənistan və Azərbaycan tərəfi razılaşıb.