Ermənistan İstintaq Komitəsinin 2024-cü ildə sentyabrın 2-də döyüş mövqeyində meyiti tapılan N saylı hərbi hissənin əsgəri Edqar Aleksanyanla bağlı başladığı cinayət işi çərçivəsində bəzi məqamlar üzə çıxıb. Cinayət işi İstintaq Komitəsinin Hərbi İstintaq Baş İdarəsinin 3-cü idarəsində həmin gün Cinayət Məcəlləsinin 522-ci maddəsinin 2-ci hissəsinin 3-cü bəndi üzrə açılıb. Aparılan genişmiqyaslı inzibati və sübut əməliyyatları nəticəsində işin bir sıra mühüm məqamları üzə çıxıb. Modern.az Ermənistan KİV-nə istinadən xəbər verir ki, N saylı hərbi hissəsinin mühafizə zolağının döyüş mövqeyində çənə nahiyəsindən güllə yarası ilə meyiti tapılan hərbçi Edqar Aleksanyanın intihar etdiyi ehtimal olunur. Buna səbəb kimi Aleksanyanın mütəmadi olaraq əsgər yoldaşı tərfindən təzyiqlərə məruz qalması göstərilir. Belə ki, əsgər H. E. 2024-cü ildə döyüş mövqeyində müşahidəçi kimi döyüş növbətçiliyinə daxil edilib. O, avqustun 27-dən sentyabrın 2-dək olan müddətdə müxtəlif günlərdə hərbi qulluqçuların hərbi hörmət, davranış, asayiş və nizam-intizamla bağlı münasibətlərinin bir sıra qaydalarını kobud şəkildə pozaraq şəxsi heyətin iştirakı ilə mütəmadi olaraq hərbi qulluqçu Edqar Aleksanyanın şəxsi şərəf və ləyaqətini təhqir edib, onu döyüb.
Çıxılmaz vəziyyətdə qalan E.Aleksanyan 2024-cü il sentyabrın 2-də saat 09:45 radələrində eyni döyüş mövqeyində müşahidəçi vəzifəsini yerinə yetirərkən “AKM” tipli avtomatla öz çənəsindən 1 dəfə atəş açaraq intihar edib
Əldə edilmiş kifayət qədər faktlar əsasında H. E. AR Cinayət Məcəlləsinin 522-ci maddəsinin 2-ci hissəsinin 3-cü bəndi ilə ittiham edilib və məhkəmənin qərarı ilə barəsində həbs-qətimkan tədbiri seçilib. A.Qorxmaz