Sentyabrın 4-5-də Daşkənddə Şanxay Əməkdaşlıq Təşkilatının (ŞƏT) Regional Antiterror Strukturunun 10-cu beynəlxalq elmi-praktik konfransı və Müstəqil Dövlətlər Birliyinin (MDB) terrorizm və ekstremizmə qarşı mübarizə üzrə 2-ci konfransı keçiriləcək.
Modern.az Özbəkistan mətbuatına istinadən xəbər verir ki, bu tədbirlərdə ŞƏT və MDB ölkələrindən, həmçinin terrorizm və ekstremizmə qarşı mübarizə problemlərinin öyrənilməsi ilə məşğul olan təhsil və elmi-analitik təşkilatların nümayəndə heyətlərinin iştirakı planlaşdırılır.
Konfranslarda həmçinin Birləşmiş Millətlər Təşkilatının, MDB-yə üzv dövlətlərin Terrorla Mübarizə Mərkəzinin, İnterpolun, Çirkli pulların yuyulmasına və terrorçuluğun maliyyələşdirilməsinə qarşı mübarizə üzrə Avrasiya Qrupunun (EAG), Qarşılıqlı Fəaliyyət və Etimad Tədbirləri üzrə Müşavirənin nümayəndələri iştirak edəcəklər.