Türkiyədə Şanlıurfa Böyükşəhər Bələdiyyəsinin sədri Mehmet Kasım Gülpınar Yenidən Rifah Partiyasından (YRP) istefa verdiyini açıqlayıb.
Modern.az BBC-yə istinadən xəbər verir ki, videomüraciətlə istefa verdiyini ictimaiyyətə açıqlayan Gülpınar vəzifəsini bitərəf davam etdirmək qərarına gəldiyini bildirib.
Yenidən Rifah Partiyasının sədri Fatih Erbakan Gülpınarın istefa verməmişdən əvvəl ona məlumat vermədiyini bildirib.
Yenidən Rifah Partiyası 31 mart 2024-cü ildə keçirilən son yerli seçkilərdə iki vilayət (Şanlıurfa və Yozgat), 33 rayon və 14 qəsəbə bələdiyyə sədrliyini qazanıb və ölkə üzrə CHP və AKP-dən sonra 3-cü yerdə qərarlaşıb.
Ötən ay - AKP-nin yaranmasının ildönümündə yerli seçkilərdə Yenidən Rifah Partiyasından bələdiyyə sədri seçilən 8 nəfər AKP-yə üzv olub.
Bu xəbər ilə bağlı Türkiyə seçkilərinin "sürpriz" PARTİYASI - Erbakanın "Yenidən Rifah"ı üçüncü oldu Xəbəri oxu