İtaliyanın şokolad istehsalçısı "Ferrero" Gürcüstanın qərbindəki fındıq plantasiyalarını satır.
Modern.az Gürcüstan mətbuatına istinadən xəbər verir ki, "Ferrero"nun bu ölkədəki törəmə şirkəti "AgriGeorgia" şirkətidir.
Sənədlərə görə, şirkət 2023-cü ilin yayında Tsalenjixa, Çxorotsku və Xobi rayonlarında 1,5 min hektar, 2021-ci ilin avqustunda isə Martvilidə 1,8 min hektar sahəyə malik plantasiyalar satıb.
Görünür, şirkət öz biznes modelinə yenidən baxmaq qərarına gəlib. Öz plantasiyalarının satışı ilə paralel olaraq şirkət müxtəlif bölgələrdən olan istehsalçılardan fındıq almağa başlayıb və Kaxetidə öz anbarını tikib.
"AgriGeorgia" hazırda cəmi 800 hektar fındıq plantasiyasını idarə edir.