Sevan gölü (Göyçə) ətrafında Ermənistan baş naziri Nikol Paşinyanın iştirakı ilə keçirilən veloyürüşdə 50 nəfər iştirak edib, lakin xərclər 100 nəfər üçün hesablanıb.
Modern.az xəbər verir ki, bu iddia ilə “Joğovurd” qəzeti çıxış edib.
İki günlük veloyürüşün təşkili üçün büdcədən 15 milyon dram (40 min dollar) ayrılıb. Nəşr eyni zamanda yazır ki, iştirakçılar sırasında təhlükəsizlik və təcili yardım əməkdaşları da olub.
Nəşrdə qida xərcləri ilə bağlı maraqlı rəqəmlər də yer alıb. Müqavilə yalnız bir şirkətlə bağlanıb: adambaşına 2 gün ərzində çadır və digər avadanlıqların xərcləri nəzərə alınmazsa, xərclər 50 min dram (125 dollar) təşkil edib.
Qəzet qeyd edir ki, bu məbləğə "çadırlara pul xərcləməkdənsə, qonaq evlərində (yeməkli) qalmaq" olardı.