Ukrayna Prezidenti Volodimir Zelenski “Ukrayna 2024. Müstəqillik” forumu çərçivəsində Rusiyanın Kursk vilayətində keçirilən əməliyyatdan danışıb.
Modern.az xəbər verir ki, o, bu barədə forumun iştirakçılarından birinin sualını cavablandıran zaman söz açıb.
O qeyd edib ki, Kurskdakı hadisələr işğal deyil, müdafiə əməliyyatıdır.
“Bu gün biz hüquqi anlayışlar və təriflər haqqında çox danışırıq. Hazırda müdafiə əməliyyatımız gedir. Bu müdafiədir. Biz ərazimizdə bufer zonaların yaradılmasına imkan vermirik, biz torpaqlarımızın işğalının qarşısını almaq üçün Rusiya Federasiyasının ərazisində bütün qoruyucu imkanlarla və addımlarla cavab veririk. [...] Biz dövlətimizə heç nəyi birləşdirmirik, qanunvericilikdə, konstitusiyada dəyişiklik etmirik və s. Bizə əlavə, yad torpaqlar, xarici vətəndaşlar da lazım deyil", - Zelenski vurğulayıb.