NATO-nun baş katibi Yens Stoltenberq Kiyevin xahişi ilə çərşənbə günü NATO-Ukrayna Şurasının iclasını çağıracaq.
Modern.az xəbər verir ki, bu barədə "Reuters" agentliyi alyansın mətbuat xidmətinə istinadən məlumat yayıb.
"Görüş səfirlər səviyyəsində keçiriləcək", - NATO sözçüsü Farah Daxlallah deyib.
O əlavə edib ki, Ukraynanın müdafiə naziri Rustem Umerovun videobağlantı vasitəsilə müttəfiqlərinə döyüş meydanındakı vəziyyət və prioritet ehtiyaclar barədə məlumat verməsi gözlənilir.