Respublikaçılar Partiyasından prezidentliyə namizəd Donald Tramp deyib ki, qələbə qazanacağı təqdirdə ABŞ Kosmik Qüvvələrinin Milli Qvardiyasını yaradacaq. Modern.az xarici KİV-ə istinadən xəbər verir ki, Detroytdakı çıxışı zamanı Tramp “Birləşmiş Ştatların Kosmik Qüvvələrinin əsas döyüş ehtiyatı kimi Milli Kosmik Qvardiyanı yaratmağın vaxtı çatıb. Prezident kimi mən Milli Kosmik Qvardiyanı yaradan tarixi qanunu imzalayacağam”, - deyib.
O hesab edir ki, 2019-cu ildə Kosmik Qüvvələrin yaradılmasına göstəriş verməklə Rusiya və Çinin ABŞ-ı ötməsinə imkan verməyib.
“Rusiya və Çin əvvəllər bizi geridə qoymuşdi, çünki biz diqqətimizi kosmosa cəmləməmişdik. İndi isə diqqətimizi cəmlədiyimiz üçün liderlik edirik”.
Tramp həmçinin ABŞ ordusunun gücləndirilməsinə, o cümlədən dronların, robot texnikanın, süni intellektin, hipersəs silahlarının hazırlanmasına “tarixi sərmayələr” yatıracağını vəd edib.