Hindistanın Baş naziri Narendra Modi ABŞ Prezidenti Co Baydenlə telefonla danışıb.
Modern.az xəbər verir ki, bu barədə Baş nazir X hesabında yazıb.
Onlar Ukrayna və Banqladeşdəki vəziyyəti müzakirə ediblər.
“Mən ABŞ Prezidenti Baydenlə telefonla danışdım, müxtəlif regional və qlobal məsələlər, o cümlədən Ukraynadakı vəziyyətlə bağlı ətraflı fikir mübadiləsi apardıq. Bir daha qeyd etdim ki, Hindistan sülh və sabitliyin tezliklə bərpasını tam dəstəkləyir”, - deyə o bildirib.
"Biz Banqladeşdəki vəziyyəti də müzakirə etdik. Bu ölkədə normal həyatın tez bir zamanda bərpa edilməsinin vacibliyini vurğuladıq", - deyə Hindistan hökumətinin başçısı qeyd edib.