2024-cü ilin yanvar-iyul aylarında Gürcüstanda xarici ticarət dövriyyəsi 12,564 milyard ABŞ dolları təşkil edib.
Modern.az Gürcüstan mətbuatına istinadən xəbər verir ki, məlumatları Milli Statistika Xidməti yayıb.
Bildirilib ki, bu da əvvəlki ilin müvafiq dövrü ilə müqayisədə 1,6% çoxdur.
İxrac 1,4% azalaraq 3,530 milyard, idxal 2,9% artaraq 9,035 milyard dollara çatıb. Mənfi saldo - 5,505 milyard dollar, xarici ticarət dövriyyəsinin 43,8%-i deməkdir.
Qeyd olunub ki, Gürcüstanın xarici ticarəti ilə bağlı ətraflı məlumat Statistika Xidməti tərəfindən avqustun 19-da dərc olunacaq.