Ermənistanın paytaxtı İrəvandakı Zvartnots hava limanında Braziliya vətəndaşı ölüb.
Modern.az xəbər verir ki, Ermənistan İstintaq Komitəsinin mətbuat katibi Qor Abrahamyan bunu "Sputnik Armenia"ya bildirib.
O deyib ki, hazırda vəziyyət aydınlaşdırılır, meyitin məhkəmə-tibbi ekspertizası təyin edilib. Braziliyalının üzərində maddə aşkarlanıb və onun tərkibini müəyyən etmək üçün məhkəmə-kimyəvi ekspertiza da təyin edilib. Bu, həmin maddənin və onun istifadəsinin vətəndaşın ölümü ilə nə dərəcədə əlaqəli olduğunu aydınlaşdırmağa kömək edəcək.
Cinayət işi açılıb.