Avstriya Rusiya qazının tədarükünü dayandırmaqda “böyük risk” görür.
Modern.az xəbər verir ki, bu barədə "Bloomberg" yazıb.
Ukraynanın işğalından sonra Avstriyada qaza tələbat 23% azalsa da, ölkə iqtisadiyyatı böyük ölçüdə “Qazprom”un idxalına arxalanır. Qaz Avstriyanın ixracyönümlü ağır sənayesində istifadə olunur.
Eyni zamanda, Kursk bölgəsi məsələsindən sonra Avropada yanacağın qiyməti kəskin şəkildə artıb və bu, treyderləri tədarükün kəsilməsi ehtimalı ilə bağlı hesablamalarına yenidən baxmağa vadar edib.
Avstriyanın Energetika Nazirliyi “Avstriyanın Rusiya qazından asılılığına mümkün qədər tez son qoymağa” çağırıb. Avstriyanın hakim koalisiyası 2027-ci ilə qədər Rusiya qazının idxalını dayandıracağına söz verib.