Rusiya Federasiyasında müttəhim müharibəyə gedərsə, məhkəmədə onun barəsindəki cinayət işi dayandırıla bilər.
Modern.az xəbər verir ki, bununla bağlı TASS məlumat yayıb.
Rusiya Ali Məhkəməsi müharibə iştirakçılarının cinayət məsuliyyətindən “azad edilməsi mexanizmini əlavə etməyi” və Ukraynada döyüşməyə razılıq vermiş şəxslərin cinayət işini təkcə ibtidai istintaq mərhələsində deyil, həm də məhkəmə zamanı dayandırmağı təklif edib.
Müvafiq qanun layihəsi Ali Məhkəmənin Plenumunda təqdim olunub və Dövlət Dumasına təqdim etmək niyyətindədirlər. Bu ilin mart ayından cinayət qanunvericiliyinə səfərbərlik dövründə hərbi xidmət keçən və ya hərbi xidmətə görə müqavilə bağlamış şəxslər barəsində cinayət işlərinin dayandırılmasına imkan verən dəyişikliklər qüvvəyə minib.