Qara dəniz sualtı kabel layihəsi texniki və iqtisadi baxımdan perspektivli və həyata keçirilə bilən layihə kimi tanınıb.
Modern.az xəbər verir ki, bu barədə Gürcüstan İqtisadiyyat Nazirliyi məlumat yayıb.
Layihənin imkanlarını və praktiki həyata keçirilməsinin ən yaxşı yollarını müəyyən etmək məqsədilə 2022-ci ildən etibarən Dünya Bankının maliyyə dəstəyi ilə İtaliyanın CESI konsaltinq şirkəti tərəfindən layihənin texniki-iqtisadi əsaslandırılması həyata keçirilir.
“Layihənin həyata keçirilməsi Avropa və Qafqaz regionunun enerji təhlükəsizliyinin gücləndirilməsinə, bərpa olunan enerji sektorunun inkişafına və regionlar arasında tranzit imkanlarının artırılmasına kömək edəcək”, - deyə məlumatda bildirilir.
2025-2026-cı illərdə Qara dənizin dibinin, eləcə də layihənin ekoloji və sosial təsirlərinin tədqiqi hazırlanacaq.