Qazaxıstan Prezidenti Kasım-Jomart Tokayev “Mərkəzi Asiyanın İntibahı: Davamlı inkişaf və çiçəklənməyə doğru” adlı məqalə yazıb.
Modern.az xəbər verir ki, o, region ölkələrinin müstəqillik illərində əldə etdiyi uğurları sadalayıb və onları iqtisadiyyat və təhlükəsizlik sahəsində ümumi mexanizmlər hazırlamağa, hətta xüsusi “Mərkəzi Asiya kimliyi” formalaşdırmağa dəvət edib.
Tokayev yazır: “Böyük Abay demişkən: “Uğurun başlanğıcı birlikdir”. - Geosiyasi qeyri-müəyyənlik və dünya nizamının mövcud modelinin deqradasiyası şəraitində bu, əslində yeganə praqmatik yanaşmadır. Gələcəyimiz birliyin, qarşılıqlı inamın və dünyaya açıqlığın gücləndirilməsindən asılıdır”.
Qeyd olunub ki, bu açıqlığın şərti, əlbəttə ki, tranzitin inkişafı olmalıdır - Çindən Avropa İttifaqına etibarlı və sürətli quru marşrutu.