Avropanın ən böyük silah istehsalçısı "Rheinmetall" öz məhsulları üçün rekord sayda sifariş qeydə alıb.
Modern.az "Kommersant"a istinadən xəbər verir ki, Ukraynadakı hərbi münaqişə ilə əlaqədar Avropanın müdafiə potensialının artması səbəbindən iyunun sonuna sifarişlərin ümumi məbləği 48,6 milyard avro təşkil edib.
Şirkətin ilin birinci yarısı üçün maliyyə hesabatına görə, həmin dövrdə konsernin satışları üçdə bir qədər artaraq 3,8 milyard avroya, əməliyyat mənfəəti isə silah və sursata sifarişlərin artması ilə təxminən iki dəfə artaraq 404 milyon avroya çatıb.
Ukraynada müharibə başlamazdan əvvəl "Rheinmetall"ın satışlarının üçdə birindən çoxu qeyri-hərbi sifarişlərdən gəlirdi.