Bakı. Trend:

Yeni Zelandiya şənbə günü Rusiyanın Ukrayna ilə münaqişəsini dəstəkləyən şəxslərə və qurumlara qarşı yeni sanksiyalar paketi elan edib.

Xarici işlər naziri Uinston Peters tərəfindən açıqlanan sanksiyalar paketinə 33 fiziki və hüquqi şəxs daxil edilib.

Yeni Zelandiya 2022-ci ilin martında Rusiyaya qarşı Sanksiyalar Aktını qüvvəyə mindirib. O vaxtdan bəri ölkə tətbiq etdiyi 36 sanksiya paketi çərçivəsində 2 000-dən çox fiziki və hüquqi şəxsə, eləcə də gəmiyə qarşı tədbirlər görüb.