Dünyanın ən varlı ailələri investisiya portfellərində dollar aktivlərinin payını azaltmağa başlayıb.

Modern.az xəbər verir ki, bu barədə Reuters agentliyi İsveçrənin UBS bankının araşdırmasına istinadən məlumat yayıb.

Bildirilir ki, buna səbəb geosiyasi qeyri-müəyyənliyin artması və ABŞ-nin dövlət borcunun yüksəlməsidir.

Sorğunun nəticələrinə görə, ailə ofislərinin təxminən üçdə ikisi yaxın bir il ərzində dolların qlobal ehtiyat valyutası kimi etibarlılığına inamın zəifləyəcəyini gözləyir.

Respondentlərin demək olar ki, yarısı isə dollar aktivlərinə həddindən artıq investisiya etdiklərini düşündüklərini bildirib.