Finlandiya, İsrailin Fələstin ərazilərini işğalını genişləndirəcək “E1 Layihəsi”ni təsdiqləmə qərarına etiraz edib.

Metbuat.az xəbər verir ki, Finlandiya İsrailin Helsinkidəki səfirini Xarici İşlər Nazirliyinə çağırıb. Etiraz səfirə təqdim edilib. Finlandiya Xarici İşlər Nazirliyinin açıqlamasına görə, səfirə İsrail Yüksək Planlaşdırma Komitəsinin Qüdsün şərqindəki E1 bölgəsində məskunlaşma planlarını təsdiqləməsi və Qəzzanı ələ keçirmə planları ilə bağlı narahatlıq ifadə edilib.

Finlandiya həmçinin beynəlxalq hüquq normalarına uyğun olaraq Qəzzaya maneəsiz humanitar yardım göstərməyə çağırıb.