Rusiyanın Yəməndəki husi qiyamçılarına raket tədarükü barədə müzakirələr aparılır.
Modern.az-ın məlumatına görə, bu barədə “Reuters” öz mənbələrinə istinadən məlumat yayıb
Məlumata görə, İran raketlərinin tədarükü ilə bağlı danışıqlarda vasitəçi kimi çıxış edir. Husilərə səsdən sürətli "Yaxont" gəmi əleyhinə raketlərin ötürülməsi müzairə olunur.
Qeyd olunur ki, Moskva husilərə raket ötürülməsi ilə bağlı hələlik heç bir qərar verməyib. Hər iki tərəf 2024-cü ildə Tehranda ən azı iki dəfə görüşüb, qarşıdakı həftələrdə daha çox görüş gözlənilir. Danışıqlar İran prezidenti Rəisinin dövründə başlayıb. İranlıların Rusiya raketlərinin husilərə ötürülməsi ilə bağlı danışıqlarda vasitəçi kimi çıxış etmələrinə baxmayaraq, “onlar buna imza atmaq istəmirlər”.
Avqustun əvvəlində CNN Rusiya Federasiyasının husilərə raket və hərbi texnika ötürməyə hazırlaşdığını, lakin Səudiyyə Ərəbistanı və ABŞ-ın xəbərdarlıqlarına görə planlarını dəyişdiyini bildirmişdi.
Qeyd edək ki, husilər Yəməndə əsas qüvvələrdən biridir və İran tərəfindən dəstəklənir. Qəzzada müharibənin başlamasından sonra husilər İsrailə bir neçə dəfə raket zərbəsi endirib.