Türkiyə prezidenti Rəcəb Tayyib Ərdoğan Suriya prezidenti Bəşər Əsədlə görüşə hazır olduğunu açıqlayıb.
Modern.az xəbər verir ki, bu barədə "Kommersant" Türkiyə mətbuatına istinadə edir.
Qeyd olunub ki, iyulda Türkiyə Xarici İşlər Nazirliyi iki siyasətçi arasında görüş təşkil ediləcəyini açıqlamışdı. Görüşün vaxtı hələ təyin edilməyib.
“Biz həmçinin Bəşər Əsədlə görüşə hazır olduğumuzu nümayiş etdirmişik. Qarşı tərəfdən xəbər gözləyirik, buna hazırıq. Biz bu birliyi tez bir zamanda inkişaf etdirmək istəyirik”, - deyə "Kommersant" BMT Baş Assambleyasının iclasında iştirak edəcəyi ABŞ-a uçmazdan əvvəl danışan Ərdoğandan sitat gətirib.
Türkiyə prezidenti qeyd edib ki, BMT Baş Assambleyasındakı çıxışında Türkiyə və Suriyanın “bütün Suriya ərazisində sülhü təmin etmək” üçün birlikdə atacağı addımlardan danışacaq: "Biz Suriyadakı gərginliyin indi bitməli olduğunu açıqlayacağıq".
İyunun 28-də Rəcəb Tayyib Ərdoğan Suriya ilə 2012-ci ildə kəsilmiş diplomatik münasibətləri bərpa etməyə hazır olduğunu bəyan edib. Bəşər Əsəd bəyan edib ki, “ölkənin maraqlarına xidmət edərsə” cənab Ərdoğanla görüşə hazırdır.