Bir müddət əvvəl Müsavat Partiyasından istefa verən hüquq müdafiəçisi, Dilarə Əliyeva adına Azərbaycan Qadın Hüquqlarını Müdafiə Cəmiyyətinin sədri Novella Cəfəroğlu bizə açıqlamasında partiya qurmaq niyyətində olduğunu bildirmişdi.
Maraqlıdır, Novella Cəfəroğlu bu istiqamətdə hansı işlər görür.
Modern.az məsələ ilə bağlı yenidən hüquq müdafiəçisi ilə əlaqə saxlayıb.
Saytımıza açıqlamasında hüquq müdafiəçisi Novella Cəfəroğlu bildirib ki, partiya ilə bağlı məsələlər müzakirə olunur və yaxın vaxtlarda danışıqların nəticəsi açıqlanacaq:
"Biz partiya ilə bağlı çox adamla danışırıq.Qadınların özlərinin partiyalarının olması lazımdır. Amma yalnız qadınlar olmayacaq. Hansı formada partiyanı yaratmaq barədə geniş müzakirələrimiz davam edir. Bir-iki həftə gözləyin, partiya ilə bağlı müzakirələrin yekunları barədə məlumat verəcəyik. Maraqlananlar çoxdur. Onların arasında jurnalistlər də var. Danışıqlar gedir. Görək nolacaq?"