Xəbər verdiyimiz kimi, Livanda Hizbullah silahlı qruplaşmasının üzvlərinin rabitə üçün istifadə etdiyi peycerlər (simsiz rabitə vasitələri) partladılıb.
Modern.az xarici mətbuata istinadən xəbər verir ki, hadisə nəticəsində azı 11 nəfər həlak olub.
İnsident nəticəsində 4 minə yaxın insan yaralanıb.
Dövlət Departamentinin mətbuat xidmətinin rəhbəri Metyu Miller brifinqdə deyib ki, ABŞ prosesdə iştirak etməyib və hadisələrin baş verəcəyi barədə əvvəlcədən məlumatı olmayıb".
Onun sözlərinə görə, Vaşinqton baş verənlərlə bağlı məlumat toplayır.
***
18:37
Livanda Hizbullah silahlı qruplaşmasının üzvlərinin rabitə üçün istifadə etdiyi peycerlər (simsiz rabitə vasitələri) partladılıb.
Modern.az "Reuters"ə istinadən xəbər verir ki, partlayışlar nəticəsində 1000-dən çox insan yaralanıb.
Hizbullah nümayəndələri əməliyyatın İsrail tərəfindən həyata keçirildiyini bildirib. Əməliyyatın icrasına ötən ildən başlandığı qeyd olunur.
Yaralılar arasında yüzlərlə Hizbullah üzvləri var. İsrail ordusu partlayışlarla bağlı sorğuları şərh etməkdən imtina edib.
İranın Mehr xəbər agentliyi ölkənin Livandakı səfiri Müctəba Əmaninin partlayış nəticəsində yaralandığını bildirib.
Partlayışların ölkənin dörd bir yanında baş verirdiyi bildirilir. Partlayış dalğası yerli vaxtla saat 15:45-də başlayıb və təxminən bir saat davam edib.
Livanın daxili təhlükəsizlik qüvvələri ölkənin bir çox yerində, xüsusilə Beyrutun cənub ətraflarında bir sıra simsiz rabitə qurğularının partladıldığını və yaralananların olduğunu bildirib.